Sunnfjord Energi AS sine nett-tariffar er delt i to hovudgrupper, hushaldning og næring. Prisar for hushaldning skal oppgjevast inklusive off.avg, medan prisar for næring oftast blir oppgitt utan off.avg.
I tillegg skil vi anlegga etter storleiken på inntakssikringen. Kundar med sikring til og med 125 A /230V vert energiavrekna (same tariff som vanleg hushald) over 125 A/230V (50 kW) vert effektavrekna.
I tillegg til dette tilbyr vi uprioritert kraft, dvs for kundar som nyttar straum til oppvarming, elektrokjel med brenselfyrt reserve. Desse anlegga skal ha eige inntak/målar (timemåling) og kan verte beordra fråkopla straumnettet på kort varsel, dvs momentant.
Nøytralitet
Nettselskapet skal til ei kvar tid opptre nøytralt overfor kraftleverandørar og sluttbrukarar når det gjeld handtering av leverandørskifte, nyetablering av abonnement, oversending av måledata, faktureringsrutinar og avregnings- og faktureringsplikt. Forskrift om Måling og avregning § 7-1a.
Nettselskapet si leveringsplikt
Dersom sluttbrukar står utan kraftleverandør ved oppstart, flytting eller oppsagt leveringsavtale , pliktar nettselskapet å levere straum inntil du har valt kraftleverandør og inngått avtale om slik leveranse. Energilova § 3-3. Viser også til NVE sitt standardskriv om leveringspliktsom vert sendt ut til alle kundar som står utan kraftleverandør saman med opplysningar om val av kraftleverandør. I boksen ”Meir informasjon” finn du link til ”Kraftleverandørar i Sunnfjord Energi sitt forsyningsområde”, ”Konkurransetilsynet si oversikt over kraftprisar” og ”NVE sitt standardskriv om leveringsplikt”.
Leveringspliktig leveranse
Prising av Nettselskapet si leveringsplikt er regulert i Forskrift om Måling og avrekning, §2-1a. Prisen du betalar dei 6 første vekene er månadleg gjennomsnittspris for spotkraft i området med eit tillegg på 5 øre/kWh eks. mva (6,25 øre/kWh inkl mva). Etter dei første 6 vekene er påslaget 6,2 øre/kWh (7,75 øre/kWh inkl. mva) + Fastledd på kr. 240,- pr. år eks. mva. (300,- inkl mva.)
Levering etter leveringsplikt/ventetariff skal etter retningslinjene frå NVE vere dyrare enn vanleg kraftleveringsavtale for å gi insitament for å velje ein kraftleverandør. Det vil derfor vere lønsamt for deg som kunde å inngå avtale med ordinær kraftleverandør.
Link til liste over aktive kraftleverandørar i Sunnfjord Energi sitt område i boksen ”Meir informasjon”på høgre side.
Ved byte av kraftleverandør må du ha inngått kontrakt med den nye leverandøren då det er eit krav at det skal føreligge ei kontrakt.
Slik kontrakt skal innehalde minimum målepunktID, sluttbrukar sin fødselsdato eller organisasjonsnr, sluttbrukar sitt namn eller firmanamn, kva produkt avtalen gjeld og sluttbrukar sitt samtykke. Opplysningar om målepunktet finn du enklast på ein faktura frå netteigar. Når dette er på plass, er det kraftleverandøren som melder frå til netteigar om skifte av leverandør
Måling og avrekning
Avrekningsrutinane til Sunnfjord Energi for hushald, jordbruk og mindre næring med kWh avrekning, er i regelen at hushald med forbruk over 8000 kWh/år skal avreknast minimum kvartalsvis på etterskot, mens resten har årsavrekning med kvartals akonto.
Andre med kWh avrekning som ønskjer det og kan melde inn avlesing kvart kvartal, kan også avreknast kvartalsvis.
Effektavrekna kundar utan timesmålt anlegg har årsavrekning med kvartals akonto, kundar med timesmålt anlegg vert avrekna på etterskot kvar 2. månad. Alle kundar med årsforbruk vil få timesmålt. Andre som ønskjer timesmåling må betale meirkostnaden, maksimalt kr. 2.500,-.
For at Sunnfjord Energi skal kunne avrekne forbruket ditt korrekt, er vi avhengig av at du sender inn avlesing. Dette kan gjerast på fleire måtar:
TELEFON
Ring gratis (frå fasttelefon) 800 84 844
Ha klart kundenummer, målarnummer og avlest stand.
INTERNETT
Ha klart kundenummer, 8 siste siffer i målepunktID og avlest stand.
På ”Min side” kan du samtidig prøveavrekne og følgje historikken.
SMS
Register deg som brukar av SMS ved avlesing først.
Når du får varsel om avlesing på SMS, ta med deg mobilen til sikringsskapet og send svarmelding: SENM målarstand
Enklare kan det ikkje gjerast.
Får du problem, kontakt kundesenteret på telefon 577 22 300
Informasjon om tariffar og avrekning finn du på Nett-leige privat og Nett-leige næring på www.sunnfjordenergi.no Link til tariffhefte for nettleige finn ein i boks på høgre side.
Forbruksavgift
Frå 1.1.2004 er det bestemt at innkrevjing av forbruksavgifta skal flyttast frå kraftleverandør til nettselskap. Frå 01.01.10. utgjer denne 13,76 øre/kWh inkl. mva (11,01 øre/kWh eks. mva)
Enova SF
I nett-tariffen er det inkludert påslag på nettariffen til Energifondet på 1,0 øre/kWh mva =1,25 øre/kWh.
-------------------------------------------------------
Forskriftene som ligg til grunn for utrekninga av tariffane endrar seg med ujamne mellomrom. Sett frå kunden sin ståstad er den viktigaste endringa i siste utgåve eit krav om at tariffane kan ha variabelt energiledd over året. For SE sine tariffar inneber dette litt høgre pris om vinteren (fordi spotprisen og tapa i nettet då er høgst) og litt lågare pris om sommaren.
El-nettsdrift er monopolverksemd. Ei mengd reglar (gitt av styresmaktene) gjeld for alt frå utforming av faktura til kor mykje SE totalt kan krevje i nettleige av våre kundar. Det kjem nye reglar til med ujamne mellomrom og SE gjer det vi kan for å etterfølge kvar einaste enkelt regel. Det er likevel vår plikt å informere om at dersom ein vil klage på SE sine tariffar, skal ei klage rettast til
NVE (www.nve.no - for meir info, eller ring 22 95 95 95).
.