Fjernvarme i Førde

Sunnfjord  Energi har gjennom snart 100 år levert elektrisk straum  som blir til lys og varme  hjå dei som bur i vårt forsyningsområde.  Så lenge  straumen kjem frå vind – og vasskraftverk  er  denne energien rein og fornybar.   Myndigheitene  har dei seinaste åra  ivra sterkt  for at  oppvarming skal ein bli meir energinøytral , og at ein  der forholda ligg til rette med tett busetnad  skal satse på fjernvarmeanlegg.  I vårt forsyningsområde  kan dette bli aktuelt fleire stadar , men der det ligg best til rette er i Førde.

Selskapet har gjennom  dei siste ti åra  føreteke fleire  undersøkingar  og fått utarbeidd  ulike løysingar  for eit fjernvarmenett i Førde.  Hausten 07  enda dette opp med at selskapet sende  konsesjonssøknad  på eit kombinert fjernvarme – og fjernkjøleanlegg  med  røyrleidningsnett  som fullt utbygt vil dekke dei sentrale delane i Førde  frå sjøen og  mot  Angedalen og Sunde.

Planen er eit varmepumpeanlegg  som  utnyttar både varmen i sjøen  om vinteren og kulden i sjøen om sommaren . Anlegget vil føre  ca. 80 gr. varmevatn   og ca. 8 gr. kjølevatn rundt om i røyrleidningane . På kvar forbruksstad  vil ein då til ei kvar tid kunne  velje den temperatur ein ønskjer og såleis ha eit optimalt klima i bygningane heile året.

Varmepumpeanlegget  må plasserast nært sjøen  på Øyrane då det skal nytte sjøvatn .  Sjølve anlegget blir ein mindre bygning  som inneheld ei større elektrisk varmepumpe og eit reserve – og topplastanlegg  basert på naturgass.  Anlegget vil ikkje bråke , lukte eller sende ut røyk.

Kostnadane er rekna til om lag kr. 100 mill. og realiseringa er avhengig av  betydeleg offentleg støtte  og at ein maktar å avtale tilstrekkeleg med bindande  leveransar.  Føresetningane frå det offentlege er at slike anlegg  skal kunne levere energi prisgunstig i høve til andre alternativ.